TRABALLAMOS PARA MINIMIZAR O IMPACTO DOS RECORTES
Desde Entreculturas seguimos traballando para manter activos os nosos programas prioritarios. A pesar do contexto de redución de recursos, continuamos centrando os nosos esforzos nas persoas e colectivos que se enfrontan a maiores barreiras para acceder á educación: nenas e mulleres, estudantes con discapacidade, familias con escasos recursos económicos, persoas en situación de migración ou refuxio e aquelas que se viron afectadas por conflitos ou desastres naturais.
¿QUE ESTAMOS A FACER?
Venezuela, Colombia, Nepal: emerxencias humanitarias
A situación
- Os recentes terremotos que sufriron Venezuela e Colombia e a riada que arrasou Nepal móstrannos a gravidade das emerxencias humanitarias, sobre todo cando afectan a poboacións que xa vivían en situacións de vulnerabilidade.
- Miles de persoas falecidas, feridas e desaparecidas e miles de familias que o perden todo dun día para outro, enfrontándose á dor, ao medo e á incerteza.
O noso traballo
- A nosa intervención divídese en dúas fases: a fase de emerxencia e a fase de reconstrución.
- A fase de emerxencia inclúe unha avaliación rápida de necesidades a través dos nosos equipos no país e unha resposta inicial para atender as necesidades humanitarias máis urxentes. Esta resposta inclúe:
- aloxamento temporal,
- artigos esenciais de axuda,
- servizos de protección,
- e apoio psicosocial para as persoas e familias afectadas.
- Na fase de reconstrución, centrámonos en:
- Educación en emerxencias: para facer posible que a infancia poida seguir accedendo a este dereito.
- Saúde física e emocional: facilitando o acceso á saúde e ofrecendo apoio psicosocial.
- Protección e dereitos: para facer posible que as persoas afectadas accedan de forma segura a servizos esenciais e programas de asistencia.
- Medios de vida: para promover a autonomía económica nas familias que perderon os seus medios de subsistencia.
© IMCA
© Mareus Tousseliat
Haití: un país que resiste
A situación
- A inseguridade, a violencia armada e a inestabilidade política marcan o día a día de Haití.
- Desprazamentos forzados, limitacións na mobilidade, interrupcións dos servizos e un clima de incerteza que inflúe en todos os ámbitos, incluída a educación. Case o 60 % da poboación é analfabeta.
- Máis da metade da poboación, unhas 6,4 millóns de persoas, necesita asistencia humanitaria e prevese que máis de 5,8 millóns padezan fame este ano.
O noso traballo
- Xunto a Fe e Alegría continuamos acompañando 16 escolas e un centro de formación técnica situados en zonas rurais e periurbanas que dependen case por completo destes espazos educativos.
- As nosas escolas son unha garantía para a continuidade educativa nun país onde o acceso á educación pode verse interrompido dun día para outro.
- Para moitos nenos, nenas e mozos, asistir a clase non só significa aprender, senón manter un espazo seguro nun contorno moi incerto.
Sudán do Sur: na fronteira da guerra
A situación
- Sudán do Sur atópase inmerso nun conflito altamente violento, sufrindo graves carencias en materia de auga, saneamento e hixiene, vulnerabilidade socioeconómica, exposición a desastres naturais e deficiencias na infraestrutura básica. O acceso á atención sanitaria e á educación é escaso.
- Atravesa unha crise económica de longa duración, sendo incapaz de atender os grupos de persoas máis vulnerables, como as persoas refuxiadas, desprazadas internas e retornadas, xa que Sudán do Sur pasou de ser un país en guerra do que a poboación foxe a ser un país de acollida.
- Actualmente acolle máis de 500.000 persoas refuxiadas e solicitantes de asilo, sendo Sudán o principal país de orixe, co 94 % das persoas refuxiadas.
O noso traballo
- Seguimos mellorando o acceso a unha educación equitativa, inclusiva e de calidade a través da formación continua e profesional do profesorado e da distribución de materiais de ensino e aprendizaxe para que o profesorado poida impartir as súas clases.
- Ofrecemos atención psicosocial e acompañamento á poboación refuxiada e desprazada, especialmente a mulleres en risco e superviventes de violencia sexual e de xénero e a persoas con discapacidade.
- Fomentamos procesos de construción de paz e cohesión social entre comunidades.
©Paula Casado
© JRS Rumanía
Ucraína: reconstruíndo a educación
A situación
- A crise que atravesa o país, que xa dura 4 anos, impactou directamente en 5,7 millóns de nenos en idade escolar. 1.863 institucións educativas resultaron danadas, o que supón o 30 % da infraestrutura educativa total do país.
- Un de cada cinco nenos perdeu entre un e dous anos de escolarización debido á guerra.
- 665.000 estudantes e 25.000 docentes ucraínos víronse obrigados a desprazarse a países veciños.
O noso traballo
- Ofrecemos apoio educativo e acompañamento psicosocial a nenos e nenas afectados pola guerra, xa que a mellora académica vai unida á seguridade emocional.
- Facilitamos a transición dos menores refuxiados ao sistema educativo formal mediante clases preparatorias e mediadores escolares.
- Implementamos clases do idioma do país de acollida para nenos, nenas e persoas adultas, como porta de entrada tanto á escola como ao mercado laboral (romanés, húngaro, eslovaco, polaco).
- Mantemos espazos educativos e de acollida infantil nos países de acollida, xa que melloran o estado emocional e as habilidades sociais da infancia refuxiada e desprazada.
- Desenvolvemos proxectos educativos para persoas adultas para reforzar a autoconfianza e a proxección de futuro.
Co teu apoio transformamos vidas.
En Entreculturas, queremos seguir promovendo o acceso á educación e apoiando a máis persoas en situacións de vulnerabilidade.
¿Cómo quieres colaborar?
Con 80€ conseguimos dos pupitres para dos estudiantes de educación primaria en Guatemala
