POLA DEFENSA DO DEREITO Á EDUCACIÓN
Ante o retroceso da solidariedade internacional, reafirmamos que o dereito a unha educación universal, inclusiva e de calidade é un imperativo de xustiza global que non pode quedar supeditado a axendas xeopolíticas nin a lóxicas de mercado. Asistimos a unha crise ética de prioridades na que o investimento militar e os intereses corporativos desprazan os compromisos históricos cos dereitos humanos. A educación non está en cuestión.
1
Recomendacións aos Estados e á comunidade internacional
- Asegurar o financiamento da educación pública nacional destinando polo menos o 6 % do PIB e/ou o 20 % do gasto público total á educación, en liña cos compromisos da Axenda de Educación 2030.
- Elaborar plans orzamentarios plurianuais con incrementos progresivos e sostidos do gasto educativo que inclúan mecanismos sólidos de verificación, seguimento e rendición de contas.
- Buscar a equidade na redistribución dos recursos, priorizando o financiamento da educación das poboacións máis excluídas.
- Establecer marcos regulatorios estritos para regular o sector privado dentro da educación.
- Apoiar activamente a adopción dunha Convención Marco das Nacións Unidas sobre Cooperación Fiscal Internacional.
- Alcanzar e superar o compromiso de destinar polo menos o 0,7 % do Ingreso Nacional Bruto á Axuda Oficial ao Desenvolvemento (AOD), priorizando os países de menores ingresos, destinando polo menos o 20 % desta axuda á educación e establecendo que polo menos o 80 % da AOD educativa sexa unha doazón non reembolsable.
- Comprometer recursos económicos a medio e longo prazo que permitan aos países socios realizar planificacións estratéxicas sostibles.
- Eliminar condicionalidades lesivas que obrigan a adquirir bens ou servizos de empresas do propio país doante, así como as prácticas de axuda inflada no sector educativo.
- Renegociar as condicións de endebedamento e cancelar ou converter a débeda nos países empobrecidos en situación de sobreendebedamento ou crise.
2
Recomendacións ao Goberno de España e ás Comunidades Autónomas
- Dar cumprimento estrito ao calendario establecido na Lei de Cooperación para o Desenvolvemento Sostible para alcanzar o 0,7 % do PIB destinado á Axuda Oficial ao Desenvolvemento, garantindo que o 8 % da AOD bilateral se blinde especificamente para o sector educativo.
- Recoñecer a educación como un sector estratéxico na resposta humanitaria, destinando polo menos o 10 % dos fondos de acción humanitaria a garantir o dereito á aprendizaxe en contextos de crise e desprazamento forzado.
- Manter e aumentar o compromiso dos gobernos locais e autonómicos coa cooperación internacional, consolidando a cooperación descentralizada como un dos sinais de identidade e de solidariedade da sociedade española.
- Instar os gobernos autonómicos e locais a reverter os recortes recentes en cooperación.
- Asumir un papel protagonista nos foros multilaterais para avanzar no Compromiso de Sevilla, promover a reforma da gobernanza financeira internacional, apoiar as negociacións da Convención Marco da ONU sobre Cooperación Fiscal e activar mecanismos bilaterais urxentes de renegociación, cancelación e conversión da débeda externa no Sur Global.
- Frear a deriva da economía de guerra e defender o multilateralismo, a desmilitarización, a coherencia de políticas e o Dereito Internacional como condicións indispensables para garantir o dereito á educación de todas as persoas.
- Alcanzar de maneira decidida e calendarizada un investimento do 6 % do PIB nacional en educación pública, situando España ao nivel das economías europeas máis avanzadas en financiamento educativo.
- Garantir o acceso universal a unha educación pública, inclusiva e igualitaria a través dunha oferta de prazas suficiente e gratuíta que cubra desde a educación infantil ata a educación superior e universitaria.
- Implementar un escudo social de comedores escolares gratuítos para todo o alumnado que se atope en situacións de vulnerabilidade.
- Ampliar a cobertura e a contía do sistema de bolsas públicas para garantir a equidade e asegurar o acceso gratuíto dos estudantes a todas as actividades educativas.
- Deseñar os orzamentos educativos estatais e autonómicos baixo principios de xustiza distributiva, priorizando a inclusión do alumnado con discapacidade, a poboación migrante e as comunidades historicamente marxinadas.
Firma para que a educación sexa unha prioridade
Únete a unha rede solidaria xuvenil
