Grazas por ser HUMANIDADE
©Carmen Moreno
Este Nadal é un tempo para conectar coa realidade , para seguir loitando pola paz e a solidariedade.
- Sementando xustiza ante a desigualdade que sofren millóns de nenos que se ven privados do seu dereito á educación.
- Sentir que somos terra ante a degradación ambiental que ameaza a sustentabilidade da vida.
- Acompañar na vulnerabilidade a tantas persoas que se ven obrigadas a fuxir dos seus fogares para salvar as súas vidas, que sofren en medio de emerxencias ou conflitos, que son excluídas pola pobreza extrema.
É momento de volver ollar desde o corazón, de seguir ao carón de quen máis nos necesita.
Necesitamos SER humanidade
Grazas ao teu compromiso e solidariedade seguimos traballando para estar ao carón de máis de 400.000 persoas
que viven en contextos de emerxencia, desprazamento ou exclusión.
A través dos nosos proxectos en 42 países de África, América Latina, Asia e Europa, facemos posible que
miles de nenas e nenos teñan acceso a unha educación que os protexe e lles ofrece oportunidades para un presente e un futuro dignos.
© Elisa García
© Monteserín Fotografía
© Monteserín Fotografía
Entreculturas en cifras
0
Proxectos
0
Persoas acompañadas
0
Países
Proxectos que son humanidade.
© Carmen Moreno
LÍBANO
O Líbano é o país con maior número de persoas refuxiadas per cápita do mundo e acolle arredor de 2 millóns de persoas refuxiadas sirias. Aínda hoxe, dos 700.000 nenos e nenas sirios en idade escolar que viven no Líbano, só un terzo atopan praza nas escolas públicas debido á súa capacidade limitada.
Xunto a JRS, apoiamos a 3.000 nenos, nenas, mozos e persoas adultas nas zonas de Baalbek, Bar Elias e Burj Hammoud en 6 escolas de educación formal, un centro de educación non formal e ofrecendo apoio psicosocial a través de 3 centros sociais.
© María Laiglesia
MADAGASCAR
Na zona rural e periférica da rexión de Haute Matsiatra, a pobreza e a falta de oportunidades económicas provocan que moitos nenos e nenas abandonen a escola para axudar ás súas familias en labores agrícolas ou domésticas. Esta dinámica xera un ciclo de exclusión que perpetúa a pobreza e limita as oportunidades futuras da infancia.
Traballamos en seis escolas primarias rurais, ofrecendo formación e acompañamento pedagóxico básico ao profesorado de primaria e fortalecendo as capacidades familiares e comunitarias para a sustentabilidade escolar e a permanencia dos nenos e nenas na escola.
© Paola Gómez
SON ACOLLIDA
Máis de cen millóns de persoas víronse obrigadas a migrar na procura de mellores oportunidades, para escapar da pobreza, a exclusión ou a violencia. Non obstante, ao longo do camiño, enfróntanse á violencia, ao abuso, ao crime organizado e ao rexeitamento. As mulleres e os nenos, en particular, son os máis vulnerables nestas situacións.
Dende Pueblos Unidos e Entreculturas, queremos promover unha cultura de acollida, hospitalidade, xustiza social, inclusión e solidariedade nos barrios de Madrid, a través da campaña SOY ACOGIDA.
